Класная гадзіна “Чарнобыль: трагедыя, подзвіг, папярэджанні”
У рамках рэспубліканскай дэкады грамадзянска-патрыятычных мерапрыемстваў, прысвечаных захаванню памяці аб Чарнобыльскай трагедыі, у 6 класе Доцішскай сярэдняй школы прайшла класная гадзіна на тэму “Чарнобыль: трагедыя, подзвіг, папярэджанне”.
Вучні падрыхтавалі інфармацыю, прэзентацыі пра трагедыю, пра подзвігі людзей, якія сёння называюцца ліквідатарамі аварыі. Абмяркавалі за крулым сталом, што трэба рабіць, каб пазбегнуць у будучым такой трагедыі, і прыйшлі да высновы, што трэба вучыцца, трэба выконваць інструкцыю, ведаць абавязкі і правы, на любой працы трэба быць уважлівымі і асцярожнымі. Разважалі на ўроку, які ўрон выбух на ЧАЭС нанёс прыродзе, людзям, жывёлам і ўсёй Зямлі.
Класная гадзіна садзейнічала фарміраванню грамадзянскай адказнасці і патрыятызму ў вучняў на прыкладзе вывучэння прычын і наступстваў Чарнобыльскай аврыі; выхаванню талерантнасці, пачуцця спачування, беражлівых адносінаў да навакольнага свету, любові да прыроды.
