Хутка канікулы! Я і мая бяспека летам.
У нашым класе на працягу тыдня прайшоў шэраг мерапрыемстваў, прысвечаных бяспечным паводзінам навучэнцаў.
Кожны дзень на нашай планеце адбываюцца тысячы самых розных катастроф–аварыі, землятрасенні, пажары, у якіх гінуць людзі, дзеці. Што і як рабіць у такіх сітуацыях, як весці сябе тым, з кім здарылася бяда? Экстрэмальныя сітуацыі ўзнікаюць раптоўна, якія патрабуюць ад чалавека актыўных дзеянняў. Нярэдка такую сітуацыю чалавеку неабходна вырашыць аднаму, без дапамогі.Чаму ў нашым паўсядзённым жыцці бывае такое: адны людзі выходзяць з экстрэмальных сітуацый здаровымі, а іншыя атрымоўваюць траўмы і нават гінуць. Адказ просты – чалавек, з якім здарылася бяда, акрамя мужнасці і адвагі, павінен валодаць элементарнымі навыкамі, з дапамогай якіх даб’ецца перамогі над ўзнікшымі цяжкасцямі. Дзеці з малодшага ўзросту павінны ведаць аб небяспеках, з якімі могуць сутыкнуцца.
Таму першакласнікі на працягу тыдня паўтаралі элементарныя правілы бяспекі, даведваліся аб бяспечных паводзінах на дарозе, у цёмны час сутак, як весці сябе на вадаёмах. З цікавасцю і задавальненнем прымалі ўдзел у розных гульнёвых сітуацыях, якія дапамагалі выйсці пераможцамі з экстрэмальных сітуацый
Хутка лета, пачнуцца доўгачаканыя канікулы. Летні час таксама з’яўляецца адным з найбольш небяспечных перыядаў года. Менавіта ў летні перыяд узнікае найбольшая рызыка здарэнняў: трагедыя можа адбыцца з-за дзіцячых свавольстваў.Таму вельмі важна данесці да падрастаючага пакалення правілы паводзін на вадзе , на адкрытых вадаёмах, у лесе, на дарозе, дзе месца гульняў і забаў можа лёгка ператварыцца у месца трагедыі. Давайце будзем берагчы сябе і сваіх блізкіх!
