"Проба пяра"
Мой сябар
У мяне ёсць сапраўдны сябар, які вучыцца са мной ў адным класе. Завуць яго Сяргей. Мы часта ходзім у госці адзін да аднаго, на стадыён, у бібліятэку. Разам з Сяргеям мне падабаецца глядзець мультфільмы, удзельнічаць у камп’ютарных гульнях. Калі добрае надвор’е нам падабаецца гуляць у футбол, у сняжкі, разам мы лепім снежную крэпасць. Бывае, нашы гульні заканчваюцца перамогай. Бывае – паражэннем. Але мы ніколі не крыўдзімся адзін на аднаго, бо мы - сапраўдныя сябры.
Жыдкевіч Ігнат , 3 клас
Мае сябры
Сапраўдны сябар - гэта сябар, які заўсёды дапаможа, падтрымае. У нашым класе я сябрую з Валянцінай, Валерыяй, Ігнатам, Сяргеем. Разам мы вельмі вясёлыя: скачам, бегаем, даганяем адзін аднаго. Нашыя гульні на спартыўнай пляцоўцы ўмацоўваюць не толькі наша здаро’ў, але і наша сяброўства. Вось такая ў нас дружная кампанія!
Яноўская Яна, 3 клас
Мае найлепшыя сябры
Наш трэці клас дружны і вясёлы. Ягор, Яна, Андрэй, Яраслаў, Ігнат, Сяргей – мае найлепшыя сябры сярод аднакласнікаў. Мы дапамагаем адзін аднаму ў вучобе. Мне падабаецца, як мы гуляем разам у двары: у хованкі, даганялкі. Разам с сябрамі мы танцуем, спяваем, расказваем жарты, ходзім адзін да аднаго ў госці. Я люблю сваіх аднакласнікаў. Спадзяюся, што мы застанёмся сапраўднымі сябрамі на цэлае жыццё.
Матусевіч Валянціна, 3 клас
Мой сябар
Майго сябра завуць Вадзім. Знаёмыя мы з першых гадоў жыцця і сустракаемся кожны дзень, так як мы - суседзі. У вольны ад вучобы час, разам з Вадзімам, мы прыдумваем розныя забавы, займаемся спортам, ходзім на прыроду. У час летніх канікул шмат часу праводзім на свежым паветры. Мінулым летам мы даглядалі і кармілі маленькага сабачку Шарыка, пробавалі нават яго дрэсіраваць. Аднойчы сабачка выбег на дарогу і ледзь не трапіў пад машыну. Мы своечасова заўважылі небяспеку ,забралі Шарыка і зрабілі ў двары для яго аградку. Зараз Шарык вырас і стаў дарослы. А мы з Вадзімам ганарымся сваім учынкам. Добра мець сапраўднага сябра, які дапаможа, падтрымае, не дасць сумаваць.
Цыронак Ягор, 3 клас
