Рэспубліканская прафілактычная акцыя «Дом без насілля» стартавала ў Беларусі 18 красавіка
Акцыя пройдзе па ўсёй краіне з 18 па 28 красавіка.
Яе мэта — далучыць шырокія слаі насельніцтва да аказання дапамогі і садзейнічанне дзяржаўным органам у вырашэнні праблем насілля ў сям’і.
Сям’я — адна з найвялікшых каштоўнасцей. У моцнай, надзейнай сям’і мае патрэбу кожны чалавек. Ва ўмацаванні і пазітыўным развіцці сям’і зацікаўлена дзяржава. Таму праблема бытавой злачыннасці заўсёды застаецца актуальнай.
На жаль, год ад года не становіцца менш фактаў, калі ў ходзе высвятлення адносін паміж членамі сям’і здзяйсняюцца цяжкія злачынствы. Нярэдка ахвярамі становяцца непаўналетнія дзеці, бездапаможныя старыя. Нават у сем’ях, якія маюць імідж добрапрыстойных, здараецца “ціхае” насілле. Выявіць яго складана, бо тыя, хто церпіць, не рашаюцца звярнуцца па дапамогу не толькі ў дзяржаўныя органы, але і да родных або знаёмых. А калі іх цярпенне заканчваецца, можа здарыцца трагедыя. Вось таму так важна ўсім мірам выступіць супраць насілля. На што і нацэлена правядзенне акцыі.
Насілле ў сям’і — праблема не толькі Беларусі, але і ўсяго свету. У прымяненні да нашай краіны можна адзначыць, што кожны год 100 чалавек пазбаўляюцца жыцця ў выніку такіх проціпраўных дзеянняў. Па выніках першага квартала ў нас зарэгістравана 23 выпадкі забойстваў, 40 фактаў прычынення цяжкіх цялесных пашкоджанняў. Гэта страшныя лічбы, якія сведчаць аб значнасці праблемы.
Міністэрства унутраных спраў займаецца праблематыкай сямейнага насілля на пастаяннай аснове.
Канешне, нікому не варта заставацца ўбаку ад гэтай праблемы, трэба дапамагаць тым, хто трапіў у складаную жыццёвую сітуацыю, прапагандаваць здаровы лад жыцця, найлепш на ўласным прыкладзе. І ўсё ж падрастаючаму пакаленню, а іншым разам і дарослым складана зразумець, які выбар правільны, пакуль футбольны мяч, гантэлі, гімнастычны абруч, заняткі ў спартыўных секцыях будуць даражэйшыя за бутэльку піва. Менавіта з яго найчасцей і пачынаецца крок у бездань.
У час акцыі педагогамі нашай школы будзе весціся інфармацыйна-растлумачальная работа з вучнямі і бацькамі, запланаваны шэраг прафілактычных мерапрыемстваў па папярэджанні сямейнай неблаганадзейнасці.
