"Жывая класіка" гучала на Воранаўшчыне
3 мая на Воранаўшчыне прайшло сапраўднае свята паэзіі “Жывая класіка: прысвячэнне малой радзіме”.
Актавая зала Воранаўскай сярэдняй школы сабрала 45 юных дэкламатараў вершаў розных узроставых катэгорый. Дэвізам конкурсу “Жывая класіка”, сярод арганізатараў якога — Саюз пісьменікаў Беларусі, сталі словы: “Чытаем шмат, чытаем разам, ствараем сябе i краiну!”. У складзе журы быў і наш зямляк, член Саюза пісьменнікаў Беларусі Уладзімір Руль.
Справіўшыся з хваляваннем, дэкламатары чыталі вершы Петруся Броўкі, Уладзіміра Караткевіча, Ніла Гілевіча, Якуба Коласа, а таксама паэта нашай воранаўскай зямлі Валянціна Емяльянава.
Нашу школу на конкурсе прадставілі 4 вучаніцы: Ціхановіч Каміла, Базылевіч Ганна, Крыштоп Марыя, Матусевіч Валянціна.
Дзяўчынкі атрымалі дыпломы 2 і 3 ступені.
