«За бяспеку разам!»
З 16 кастрычніка па 1 лістапада пройдзе рэспубліканская пажарна-прафілактычная акцыя па папярэджанні пажараў і гібелі людзей ад іх у жыллі «За бяспеку разам!».
Статыстыка кажа пра тое, што галоўнай прычынай гібелі людзей ад пажараў у жыллёвым фондзе з'яўляецца няведанне альбо грэбаванне мерамі бяспекі, так званы чалавечы фактар - неабачлівыя, неасцярожныя дзеянні чалавека.
Акцэнт пры правядзенні акцыі робіцца на дапамогу адзінокім і адзінока пражываючым пажылым грамадзянам, інвалідам, сем'ям, у якіх дзеці знаходзяцца ў сацыяльна небяспечным становішчы, і іншым людзям у прывядзенні іх дамоў і кватэр у пажарабяспечны стан.
Да акцыі далучыліся Міністэрства ўнутраных спраў, Міністэрства працы і сацыяльнай абароны, Міністэрства адукацыі, Міністэрства інфармацыі, Міністэрства жыллёва-камунальнай гаспадаркі, Міністэрства аховы здароўя і Міністэрства энергетыкі.
Запрашаем усіх грамадзян прыняць удзел у акцыі! Праверце сістэму аўтаномных пажарных апавяшчальнікаў, а ў выпадку адсутнасці ўсталюйце іх у жылых памяшканнях. Акрамя таго, звярніце ўвагу, ці спраўна ацяпляльнае абсталяванне ў вашых домаўладаннях, а таксама электрычнай праводкі.
Памятайце, што ў адпаведнасці з заканадаўствам Рэспублікі Беларусь, адказнасць за выкананне патрабаванняў пажарнай бяспекі ў жылых дамах, якія належаць грамадзянам на праве прыватнай уласнасці, ускладзены на іх уласнікаў.
