“Літаратурная гасцёўня” зноў вітае гасцей
“Літаратурная гасцёўня” Доцішскай сярэдняй школы 26 лістапада зноў шчыра вітала гасцей разам з вядомай мясцовай паэткай Казлоўскай Марыяй Вікенцеўнай. На гэты раз у госці завіталі бібліятэчныя работнікі Воранаўскага раёна.
У цёплай, утульнай атмасферы гучалі вершы пра родны край, пра маці, пра дзяцей, пра хлеб і працу. Лірычныя радкі чыталі і дзеці, і дарослыя.
Прысутныя сталі першымі слухачамі новых мастацкіх твораў Казлоўскай М.В.
Жонка, маці, бабуля, прабабуля , настаўніца, верніца – усё гэта знаходзіць адбітак у творах Марыі Вікенцеўны. Прачулыя радкі знайшлі водгук у сэрцы кожнага, хто слухаў натхнёнае чытанне. Аповяд пра мінулае, успаміны аб настаўніцтве ў мясцовай школе, гонар за выпускнікоў, якія калісьці навучаліся ў маленькай школе, закранулі самыя патаемныя вугалкі кожнага з прысутных.
Мы рады сустрэчы і развітваемся толькі да новых твораў.
