Тыдзень фінансавай граматнасці дзяцей і моладзі «Global Money Week 2020»
23 сакавіка у нашай школе стартаваў тыдзень фінансавай граматнасці дзяцей і моладзі «Global Money Week 2020», які працягнецца да 29 сакавіка. Мы ўжо трэці год запар праводзім такі тэматычны тыдзень. Мэта тыдня: прыцягнуць увагу моладзі да пытанняў фінансавай граматнасці. У гэтым годзе галоўнае пытанне: цыфравая бяспека асабістых фінансаў (правілы бяспекі пры карыстанні банкаўскімі плацёжнымі карткамі, мабільнымі тэлефонамі, правядзеннем аперацый у Інтэрнэце і г.д.)
Кульмінацыйным мерапрыемствам тыдня з’яўляецца конкурс відэаблогераў “Грошы маюць значэнне”. Ён быў аб’яўлены загадзя, так як да 16 сакавіка неабходна было прадаставіць матэрыялы ў рэспубліканскі арганізацыйны камітэт конкурсу. Сёння на лінейцы, прысвечанай адкрыццю тыдня, былі падведзены вынікі школьнага этапа. Пераможцам стала вучаніца 9”Б” класа Русялевіч Віялета. Яе відэаролік “Лайфхаки# Цифровая безопасность личных финансов” (https://www.youtube.com/watch?v=ynfKfTyMee4) і быў адпраўлены на рэспубліканскі этап, вынікі якога будуць падведзены 27 сакавіка.
Астатнія мерапрыемствы будуць праведзены адпаведна плану.
Запрашаем да ўдзелу! Памятайце! “Грошы заўсёды маюць значэнне”!
