Віншуем з узнагародамі!
26 студзеня на сустрэчу з кіраўніцтвам Воранаўскага райвыканкама былі запрошаны прызёры абласнога ўзроўню прадметных алімпіяд і конкурсу даследчых работ. Нашу школу прадстаўлялі Казлоўская І.І з Шымялевічам Арцёмам і Русялевіч А.Р. з Крысянель Аляксандрай і Філатавай Рэгінай.
Залаты фонд таленавітай, мэтанакіраванай моладзі Воранаўшчыны прывітаў старшыня райвыканкама Дзмітрый Захарчук.
Арцём Шымялевіч, Крысянель Аляксандра і Філатава Рэгіна атрымалі граматы аддзела адукацыі і падарункі ад раённага выканаўчага камітэта.
Лісты падзякі старшыні Воранаўскага райвыканкама і падарункі ўручаны Русялевіч А.Р. і Казлоўскай І.І.чый прафесіяналізм і цярпенне дапамагаюць выхаванцам дасягаць высокіх вынікаў у прадметных алімпіядах і навукова- даследчых працах.
