Адкрыты дыялог "Моладзь і рэлігія"
5 красавіка адбыўся адкрыты дыялог членаў БРСМ з настаяцелем храма Святога благавернага вялікага князя Аляксандра Неўскага ў г.п. Воранава іерэем Ігарам Валошыным і пробашчам парафіі святых апосталаў Сымона і Юды Тадэвуша Янам Высоцкім.
Назва дыялогу - "Моладзь і рэлігія". У ходзе сустрэчы падлеткі змаглі абмеркаваць пытанні, якія іх цікавяць. Святары падзяліліся з моладдзю сваімі думкамі, развагамі, падштурхнулі задумацца пра каштоўнасць чалавечага жыцця.
Першы сакратар РК ГА «БРСМ» Наталля Мяцеліца падвяла вынікі раённага фестываля-выставы "Велікодны куліч". Вучаніцы нашай школы: Пашкевіч Лаліта, Яноўская Яна і Матусевіч Валянціна - пераможцы ў намінацыі "Велікоднае яйка". Дзяўчынкі атрымалі дыпломы і каштоўныя падарункі. Адкрыты дыялог пакінуў глыбокі след у душах дзяцей.
