Дзень Перамогі
Напярэдадні Дня Перамогі ў нашай школе ля абеліска, на гэтым святым для нашай вёскі месцы, прайшоў мітынг пад назвай «У бітве за Беларусь». На мерапрыемстве прысутнічалі госці, вучні і педагогі нашай школы, прадстаўнікі сельскага Савета, прадстаўнікі культуры і жыхары вёскі.
Святочнае мерапрыеіства было адкрыта старшынёй сельскага выканаўчага камітэта – Мураўскай Вольгай Сцяфанаўнай. На мітынгу гучалі словы ўдзячнасці пакаленню, на якое лёг страшны цяжар вайны. Гучалі песні, вершы з вуснаў праўнукаў у адрас прадзедаў.
Па добрай традыцыі 23 вучні 4 класа былі прыняты ў піянеры. 15 навучэнцаў атрымалі свой білет члена ГА ПА «БРСМ», а таксама кнігі “Я – грамадзянін Рэспублікі Беларусь”.
Толькі ад маладога пакалення залежыць будучае нашай краіны. Толькі яны заўсёды павінны памятаць якім коштам чалавечага жыцця дасталася гэтая Перамога.
Завяршыўся ўрачысты мітынг ускладваннем кветак да помніка. Пасля мітынгу прайшоў канцэрт “Памяць праз гады”, прысвечаны Дню Перамогі, падрыхтаваны сумесна работнікамі сельскага дома культуры, педагогамі і вучнямі Доцішскай сярэдняй школы.
Удзячная памяць пра ветэранаў будзе жыць у стагоддзях. Мы жадаем нашым ветэранам моцнага здароўя, бадзёрасці духу і шчасця толькі пад мірным небам! (гл.альбом)
