18 красавіка ў школе адбыўся фестываль талентаў "Зорны дождж".
Фестываль талентаў "Зорны дождж" прайшоў у нашай школе ўпершыню. Гэта мерапрыемства педагогі і вучні назвалі святам адкрыццяў і прыемных нечаканасцяў. Конкурс цягнуўся больш, чым 3 гадзіны. Але кожны, хто прысутнічаў у актавай зале, яшчэ раз упэўніўся, што фантазіі і творчасці няма межаў.
Усе вучні школы (ад першакласнікаў да выпускнікоў) паказалі нумары, ад якіх гледачы, педагогі і бацькі, былі ў захапленні. Песні былі душэўнымі, вершы – пранікнёнымі, танцы - запальваючыя рытмамі. Цяжка прыйшлося журы, бо ўсе артысты выступілі выдатна. Аднак конкурс патрабаваў выбраць лепшых, якія атрымалі дыпломы пераможцаў у намінацыях: танец, вакальнае, сцэнічнае і акцёрскае майстэрства, акрабатыка, лепшыя фотаздымак і сэлфі, умелыя рукі, гумар. Усе астатнія былі ўзнагароджаны сэртыфікатамі ўдзельнікаў.
У заключным слове дырэктар школы Валянціна Віктараўна падзякавала канкурсантам, педагогам і бацькам за ўдзел і дапамогу ў падрыхтоўцы фестывалю. Як адзначыла дырэктар: "Кожнае дзіця таленавітае. Трэба толькі своечасова заўважыць гэты талент і раскрыць яго". Рабяты, у сваю чаргу, сказалі: "Пабольш бы такіх цікавых конкурсаў, бо жыццё ў іх рытме цудоўнае!"
Вынікам такой сумеснай працы вучняў, педагогаў і бацькоў стала тое, што фестываль стане добрай традыцыяй.
Спадзяемся, што ў наступным годзе на Алімп узыдуць новыя зоркі школы.
