"На цябе, наша моладзь, надзея!"
1 верасня за парты нашай установы селі 189 вучняў. Прыўзняты святочны настрой у гэты дзень панаваў на тварах навучэнцаў, бацькоў і педагогаў.
Распачаўся дзень з урачыстай лінейкі, прысвечанай пачатку новага навучальнага года, 70-годдзю Перамогі і Году Моладзі . Права падняць Дзяржаўны сцяг было прадастаўлена лепшым вучням школы, выдатнікам, пераможцам алімпіяд і конкурсаў розных узроўняў. Са словамі віншавання і пажаданняў да нашага школьнага народу звярнуліся госці.
Падчас самага ўрачыстага моманта вучні азнаменавалі пачатак акцыі “Марафон ведаў гісторыі вайны” флэшмобам “Маё пасланне роднай краіне”, а затым адпусцілі ў неба рознакаляровыя паветраныя шары са шчырымі пажаданнямі Радзіме ад кожнага з класаў.
Далей ва ўсіх класных калектывах быў праведзены першы ўрок на тэму “На цябе, наша моладзь, надзея!”.
Вучні 1-4 класаў сталі ўдзельнікамі свята "Гэта Беларусь мая!" з гульнямі, песнямі, салодкімі пачастункамі.
