Крыштальны журавель 2015
17 верасня на базе Воранаўскай школы адбылася канферэнцыя-практыкум "Крыштальны журавель 2015" з удзелам лаўрэатаў конкурса "Настаўнік года". У іх ліку былі выкладчыца фізікі, намеснік дырэктара сярэдняй школы №13 г. Жлобін А.А. Ананчыкава, настаўніца хіміі і біялогіі Лугаваслабод-скай сярэдняй школы Мінскага раёна А.Я. Гарбар, настаўнік замежнай мовы сярэдняй школы г.п. Дамачэва Брэсцкага раёна Я.А. Грыгор’еў, выкладчыца гісторыі сярэдняй школы №15 г. Магілёў Г.В. Дудко, настаўніца рускай мовы і літаратуры, намеснік дырэктара гімназіі №51 з г. Гомель В.А. Кіслова, настаўнік матэматыкі Браслаўскай гімназіі Дз.Г. Мацкевіч, настаўнік фізічнай культуры Ясенскага ВПК Асіповіцкага раёна Магілёўскай вобласці М.М. Мікуліч, настаўніца беларускай мовы і літаратуры, намеснік дырэктара Шчучынскай гімназіі А.В. Пасюта і выкладчык біялогіі сярэдняй школы г. Крычаў А.В. Цілюпа. Гэтую тытулаваную педагагічную дэлегацыю ўзначальвалі начальнік упраўлення вучэбна-метадычнай работы І.В. Багачова і начальнік цэнтра развіваючых педагагічных тэхналогій дзяржустановы “Акадэмія паслядыпломнай адукацыі” І.В. Фёдараў.
Вялікай удачай стала тое, што настаўнікі нашай школы змаглі пазнаёміцца з таленавітымі настаўнікамі, пабываць на іх уроках, адкрыць для сябе шмат новага і карыснага.
