Удзел у рэспубліканскай патрыятычнай акцыі “Мы – грамадзяне Беларусі!” #ЛюблюБеларусь
Ужо стала традыцыйнай рэспубліканская акцыя “Мы – грамадзяне Беларусі!”, якая праводзіцца ў краіне 15 сакавіка ў Дзень Канстытуцыі рэспублікі. У гэты дзень юным грамадзянам Беларусі ва ўрачыстай абстаноўцы ўручаюць галоўны дакумент – пашпарт.
У гэтым годзе ва ўрачыстай раённай цырымоніі ўручэння пашпартоў прыняў удзел вучань нашага класа Шарыпаў Вадзім. Разам з бацькамі ён быў запрошаны ў Воранаўскі раённы цэнтар культуры і народнай творчасці.
Вадзіму пашпарт уручыў ветэран Вялікай Айчыннай вайны Сцяпан Аксенцьевіч Жук.
Трохі хвалюючыся, але цвёрда і ўпэўнена, ва ўрачыстым абяцанні хлопчык падцвердзіў, што разам з набыццём галоўнага дакумента грамадзяніна Рэспублікі Беларусь, гатовы сваёй вучобай, працай і справамі ўмацоўваць аўтарытэт і ганаровае імя Радзімы, быць годным памяці продкаў.
Разам з пашпартам юнак атрымаў падарункі ад раённага аддзела адукацыі – кнігі “Я – грамадзянін Беларусь!” і Канстытуцыю краіны.
