Дыскусія - падарожжа "Жыццё даражэй усіх скарбаў" (5-7) класы
У шосты школьны дзень навучэнцы 5 - 7 класаў прынялі ўдзел у мерапрыемстве "Жыццё даражэй усіх скарбаў". Рабятам было прапанавана выказаць сваё разуменне паняццяў "Жыццё", "Шчасце", "Сям'я". Затым усе разам падбіралі асацыяцыі да слоў "Мэта", "Поспех", "Будучыня" . Асаблівую цікавасць у навучэнцаў выклікала практыкаванне "Кропля": на чысты аркуш паперы падала кропля фарбы, дзецям неабходна было знайсці рашэнне, як гэтую кроплю пераўтварыць у пазітыўны сюжэт. Хочацца адзначыць, што ідэі ў рабят былі вельмі арыгінальнымі, так у нас атрымаліся малюнкі клоўна, сэрца, мастака, вінаграда і інш. Прыемна было пачуць, якія лісты з будучыні напісалі дзеці сваім сябрам. Кожны з рабят бачыць сябе паспяховым у абранай прафесіі, у сям'і. Крануў нашы душы прагляд відэафільма "Жыццё даражэй за ўсё'. Фінальным акордам сустрэчы стала кругавая гутарка, у ходзе якой былі падведзены вынікі работы.
