Школьная субота: Фестываль талентаў "Зорны дождж"
21 мая “Зорны дождж” зіхацеў у нашай школе
Ужо добрай традыцыяй стала правядзенне фестываля талентаў “Зорны дождж” у нашай школе. А праводзіцца гэты конкурс з мэтай выявіць адораных вакалістаў, акцёраў, дэкламатараў паэтычных твораў і інш.
З вялікім жаданнем чакалі гэтага моманту вучні, настаўнікі і бацькі юных выканаўцаў. Трэба адзначыць, што рыхтуюцца да выступленняў вучні самастойна, што надае конкурсу яшчэ большую арыгінальнасць і запамінальнасць. На суд журы было прадстаўлена 30 нумароў. Юныя артысты паспрабавалі сябе ў сольным выкананні, дуэце, танцы, акцёрскім і творчым майстэрстве. Вызначыць лепшых было немагчыма, бо кожнае выступленне было адметным, усе ўдзельнікі атрымалі дыпломы ў розных намінацыях.
Дзякуй вам, нашыя артысты! Поспехаў і плёну ў творчасці. Да сустрэчы на школьным алімпе ў наступным навучальным годзе.
