Раённы піянерскі злёт
19 мая Усесаюзнай піянерскай арганізацыі споўнілася 95 год. Ва ўсесаюзным маштабе гэтай арганізацыі ўжо не існуе, але ў нашай краіне дзейнічае яе правапераемніца - Беларуская рэспубліканская піянерская арганізацыя. Гэта самая масавая дзіцячая арганізацыя ў краіне. Таму круглую дату беларускія піянеры адзначаюць з размахам, у тым ліку і ў нашым раёне.
Пачаліся святочныя мерапрыемствы з раённага піянерскага злёту, які адбыўся ля помніка-бюста героя Савецкага Саюза А. Канарчыка, усталяванага на тэрыторыі Воранаўскай школы. Тут сабраліся хлопцы, за плячыма якіх сотні добрых спраў і ўчынкаў. Яны, маленькія патрыёты сваёй краіны, працягваюць справы папярэднікаў. Беларуская піянерская арганізацыя была арганізавана 13 верасня 1990 года. Сёння ў яе шэрагах больш за 2 000 тысяч юных жыхароў Воранаўскага раёна.
Прадстаўнікамі ад Доцішскай сярэдняй школы на злёце былі вучні 7-га класа: Матусевіч Валянціна і Цыронак Ягор.
З віншаваннямі да піянерах раёна звярнулася старшыня савета раённай піянерскай арганізацыі Алена Аляксеяўна Кліменкова. Яна распавяла пра тое, якіх поспехаў дабіліся піянеры Вараноўшчына, колькі патрэбных і карысных акцый і спраў правялі і зрабілі. Павіншаваць хлопчыкаў і дзяўчынак з юбілейнай датай прыйшлі старшыня раённага савета ветэранаў Н.К. Пушнянкова і ветэран піянерскага руху Л.Г. Віршы. Шмат цікавага расказалі яны пра ўсесаюзны піянерскі руху, адзначыўшы, што тыя гады пакінулі значны след у іх жыцці. Пажадалі піянерам і далей сьвята захоўваць традыцыі піянерскага мінулага, быць ініцыятыўнымі, актыўнымі і з гонарам несці званне «Піянер».
Добрыя справы, валанцёрства, песні, вершы, квэсты - усё ў самых лепшых традыцыях, так піянеры Воранаўшчыны падводзілі вынікі сваёй дзейнасці за апошнія гады. Стартавала мерапрыемства ў Цэнтры творчасці дзяцей і моладзі, дзе сабраліся прадстаўнікі 12 піянерскіх дружын установаў адукацыі раёна. На ўрачыстую лінейку былі запрошаны прадстаўнікі раённага выканаўчага камітэта, аддзела адукацыі, спорту і турызму, першасных арганізацый ГА "БРСМ", а таксама ветэраны піянерскага і камсамольскага рухаў Воранашчыны.
Ад пакалення да пакалення перадаюць піянеры свае лепшыя традыцыі, прымаючы ў любой справе на карысць Радзімы самы актыўны, дзейсны ўдзел. Піянеры Беларусі заўжды славіліся сваімі багатымі традыцыямі, падтрымлівалі старэйшае пакаленне. У час Вялікай Айчыннай вайны разам з дарослымі станавіліся на абарону Радзімы. У мірны час актыўна ўдзельнічалі ў валанцёрскім руху, спартыўных спаборніцтвах, грамадскім жыцці краіны. Жадаю вам і надалей заставацца настойлівымі, мэтанакіраванымі, таленавітымі, крэатыўнымі -- нам патрэбны светлыя ідэі. Будзьце для іншых прыкладам ва ўсім.
Пасля ўрачыстага мерапрыемства піянераў чакала квэст-гульня «З юбілеем, Піянерыя!». Хлопцы падзяліліся на некалькі каманд, атрымалі свае маршрутныя карты і адправіліся выконваць заданні, пазначаныя ў іх. Неабходна было разгадаць загадку, знайсці ў гарадскім парку малую архітэктурную форму, адпаведную адказу, і сфатаграфаваць яе. Складаныя пытанні чакалі хлопцаў і ў раённай дзіцячай бібліятэцы, няпростымі былі заданні ў Воранаўскай школе. Складана было арыентавацца на вуліцах райцэнтра піянерам з іншых школ, каб знайсці той ці іншы будынак і зрабіць фота на яго фоне. Адшукаць помнік воінам, якія загінулі ў Вялікай Айчыннай вайне, прозвішча гвардыі малодшага лейтэнанта таксама аказалася нялёгка. За правільнае выкананне хлопцы атрымлівалі зялёныя жэтоны. Вынікі квэст-гульні падвялі ў Воранаўскім цэнтры творчасці дзяцей і моладзі.
У гонар 95-годдзя Усесаюзнай піянерскай арганізацыі ў двары Цэнтра піянеры раёна высадзілі алею вечназялёных туй, а таксама напісалі пасланне будучым піянэрам, змясцілі яго ў капсулу і закапалі ў двары. Да юбілейнай даты педагогамі Цэнтра была зроблена малая архітэктурная форма ў выглядзе піянерскага вогнішча ,яе хлопцы адпусцілі ў неба на паветраным шары са словамі: «Няхай жыве Піянерыя!»
Лагічным завяршэннем стаў святочны канцэрт, які падрыхтавалі юныя артысты Воранаўскага ЦДМ.
