Рэспубліканская акцыя «Нашыя дзеці»: на Воранаўшчыне дадзены старт!
11 снежня, на Воранаўшчыне дадзены старт штогадовай рэспубліканскай акцыі «Нашыя дзеці».
Лёгкай снежнай хадой ідзе на Воранаўскую зямлю зіма, а з ёй, насустрач Калядам і Новаму году, чарада дабрачынных акцый для дзяцей. Сёння, 11 снежня, на Воранаўшчыне дадзены старт штогадовай рэспубліканскай акцыі «Нашыя дзеці».
У холе гарадскога цэнтру культуры тэматычнымі астраўкамі размясціліся святочныя выставы дэкаратыўна-прыкладной творчасці, фотазона з дэкарацыямі, а таксама стол заказаў "Цуды на Каляды" для Дзеда Мароза ад БРСМ і «Дрэва дабрыні» аддзел паштовай сувязі «Воранава-1». З парога гарачымі абдымкамі і ўсмешкамі дзяцей - выхаванцаў цэнтра карэкцыйна-развіваючага навучання і рэабілітацыі, дашкольных устаноў, малодшых школьнікаў - сустракалі казачныя героі, якія і сталі экскурсаводамі па святочных прыгодах.
Ўрачыста абвясціў аб пачатку марафону добрых спраў у раёне намеснік старшыні райвыканкама А.А. Карповіч:
- Дарагія хлопчыкі і дзяўчынкі, рады вітаць вас на гэтым цыдоўным свеце. Акцыя «Нашы дзеці» будзе доўжыцца месяц, спадзяемся, гэты час запомніцца для вас момантамі чарадзейства, радаснымі эмоцыямі і незабыўнымі прыгодамі. Хай спраўдзяцца ўсе навагоднія жаданні!
Віхур забаваў закруціў і павёў у цудоўную краіну казкі. Загадкі, песні, танцы, мультфільмы і, вядома, салодкія падарункі.Радасць чакання святаў з малымі падзялілі кіраўнікі раённай арганізацыі ГА "Беларускі фонд міру» З.С. Вiльбiк з раённага аддзялення РГА "Беларускі дзіцячы фонд" Т.Г. Сушынскі. З іх рук хлопцы і дзяўчынкі атрымалі першыя падаруначкі - салодкія наборы. Да вясёлых карагодаў далучыліся прадстаўнікі мясцовай улады, дэпутацкага корпусу, грамадскіх аб'яднанняў. Некаторыя дарослыя аформілі падпіску на дзіцячае выданне для выхаванцаў Радунскай школы-інтэрната і прэзэнтавалі падарунак для іх у «навагоднюю скарбонку». Дарэчы, «дрэва дабрыні" замацавана за кожным паштовым аддзелам - любы ахвотны можа далучыцца. Сёння ж накіруйцеся туды са сваімі дзецьмі і, параіўшыся з імі, пакажыце прыклад добрай справы, аформіце падпіску на дзіцячыя перыядычныя выданні для выхаванцаў школы-інтэрната. Несумненна, дабро збліжае, як нішто іншае.
