Віншуем нашых абаронцаў Айчыны...
Сцюдзёным, марозным і ветраным днём, у дзень абаронца Айчыны ў актавай зале нашай школы сабраліся ўсе : вучні, педагагічны калектыў і работнікі школы, служачыя пагранічнай заставы "Доцішкі", удзельнікі клубу "Юныя сябры пагранічнікі". Усе прысутныя сталі ўдзельнікамі незвычайнай, імправізаванай канцэртнай праграмы пад назвай “ Ад шчырага сэрца”.
Свята 23 лютага ў нашай школе – добрая нагода для выхавання ў школьнікаў пачуцця патрыятызму і далучэння да лепшых традыцый сваёй Радзімы. Таксама магчымасць яшчэ раз нагадаць хлопчыкам пра тое, што такое смеласць, самаадданасць, адвага, высакароднасць і мужнасць.
Канцэрт распачаўся са шчырага віншавання дырэктара школы Ганны Антонаўны Дудко, якая пажадала ўсім прысутным абаронцам Айчыны моцнага здароўя, падзякавала за плённую працу, а затым уручыла ганаровую грамату начальніку ПагЗ "Доцішкі" Стэфаноўскаму В.У.
Далей пад кіраўніцтвам педагога-арганізатара Ганчар Д.А. выхаванцы прадоўжылі радаваць гасцей цудоўнымі канцэртнымі нумарамі. Самадзейныя артысты спявалі і захаплялі цудоўнымі нумарамі. Асабліва ўразіла выступленне групы дзяўчат з вакальнай кампазіцыяй “Малітва маці”.
Са словамі ўдзячнасці кірауніцтва Заставы "Доцішкі" звярнулася да дырэкцыі школы і ўдзельнікаў дружыны "ЮСП", якім былі ўрачыста выдадзены значкі ўдзельнікаў "ЮСП".
Напрыканцы свята дзеці яшчэ раз павіншавалі са святам. Усе прысутныя засталіся задаволенымі, а гасцей з заставы "Доцішкі" чакалі салодкія падарункі...
